დუბაის წამყვანი კომპანია Mira Developments თბილისში პრემიუმ პროექტით შემოდის
დუბაის წამყვანი კომპანია Mira Developments თბილისში პრემიუმ პროექტით შემოდის. კომპანიამ პროექტი თბილისში მოქმედ წამყვან საბროკერო კომპანიებს წარუდგინა.
Mira Developments დუბაიში, არაბთა გაერთიანებულ საამიროებშია დაფუძნებული და თანამშრომლობს ისეთ ცნობილ ბრენდებთან, როგორებიც არის: Trussardi, Gianfranco Ferré, Elie Saab. ის პროექტებს მსოფლიოს არაერთ ქვეყანაში, მათ შორის შვეიცარიაში, ახორციელებს.
კომპანია საქართველოში, თბილისთან ახლოს პროექტის Mira Verde განხორციელებას გეგმავს. პროექტით გათვალისწინებულია ერთ ლოკაციაზე მდიდრული ვილების, სკოლის, უნივერსიტეტის, საფეხბურთო კლუბის განთავსება.
პრეზენტაციის შემდგომ გაიმართა დისკუსია, რა დროსაც მასპინძლებმა საბროკერო კომპანიებისგან პროექტის შესახებ მოსაზრება მოისმინეს. როგორც “კედარო ჯგუფის” თანადამფუძნებელმა და დირექტორმა, ეკატერინე ჭიღლაძემ აღნიშნა, მნიშვნელოვანია პროექტით გათვალისწინებულ ტერიტორიაზე მოხდეს არსებული ტყის მასივის შენარჩუნება.
“მოხარულები ვართ, რომ გსურთ პრემიუმ სეგმენტის ნაწილში დუბაის გამოცდილება საქართველოსაც გაუზიაროთ. ასევე, ვაფასებთ იმ ფაქტს, რომ თქვენთვის საქართველოს უნიკალური ბუნება მიმზიდველია. ვფიქრობ საინტერესო იქნება პროექტი”,- აღნიშნა ეკატერინე ჭიღლაძემ.
პროექტი, თბილისის ხედებით, მაქსიმალურად არის მორგებული ადგილობრივ ლანდშაფტს. Kedaro Group აღნიშნული პროექტის გაყიდვებში მონაწილეობას მიიღებს.